فصول السنة الأربعة

الشتي خلفه الربيع

الربيع وخلفه الصيف

الصيف وبعده الخريف

وبتمضى السنة

 

لما بآخر الصيف بينزل ورق الشجر

وبيصير يبرم عالرصيف والدني كلها ضجر

بكون الخريف الخريف بتصفر الدني

 

ولما بتسوّد الغيوم وبتغطي خلفها النجمات

وبتنزل نقط المي وبتّلي كل الساحات

بيكون الشتي وصل الشتي وبتشتي الدني

 

لما بتصير مليانة مليانة خضرا وزهور

بيرجع ورق الشجر وبيطلع منتور

بيكون الربيع وصل الربيع بتخضّر الدني

 

ولما بيصير في شمس وشوب ولم منصير نقعد بالفي

وبتسكت السواقي وبتفضى كلها من المي

بيكون فصل الصيف اجا فصل الصيف بتشوب الدني